Gvatemalada zilzila, halok bo‘lganlar bor

Gvatemala g‘arbida, Meksika bilan chegarada yuz bergan 6,9 magnitudali zilzila tufayli besh kishi halok bo‘ldi va yetti nafar inson jarohatlandi. Bu haqda Associated Press xabar bermoqda.

Ta'kidlanishicha, San-Markos shahrida bir ayol devorning qulashi sabab halok bo‘lgan, San Sebastyanda esa erkak kishi cherkovning bir qismi buzilishi natijasida hayot bilan vidolashdi.

Bundan tashqari, yer silkinishidan qo‘rqib ketgan uch ayol yurak xurujidan vafot etgan.

Avvalroq Meksika qirg‘oqlari yaqinida 7,0 magnitudali zilzila yuz bergani haqida xabar berilgandi.