Rossiyalik diplomat BMTning aksilterrorchilik boshqarmasiga rahbar etib tayinlandi

Rossiyaning Venadagi xalqaro tashkilotlardagi vakili Vladimir Voronkov BMT bosh kotibi o‘rinbosari maqomida BMTning aksilterrorchilik boshqarmasiga rahbar etib tayinlandi. BMT bosh kotibi Antoniu Guterresh bu tayinlovni 21 iyunda amalga oshirdi. 

Guterresh 20 iyunda BMTning terrorchilikka qarshi kurashish bo‘yicha yangi boshqarmasiga rahbar joriy haftada tayinlanishini ma'lum qilgandi. BMT Bosh assambleyasi 15 iyunda BMTning terrorchilikka qarshi kurashish bo‘yicha yangi boshqarmasi ta'sis etilishi haqida qaror qabul qilgandi.

Yangi boshqarmaga siyosiy masalalar departmentidan terrorchilikka qarshi kurashish ofisi va terrorchilikka qarshi kurashish maqsadli guruhi hamda ularda ishlovchi xodimlar o‘tkaziladi.