Misrning eng qadimiy hayvonot bog‘ida yong‘in chiqdi

25 iyun ertalab Qohiradagi Giza hayvonot bog‘i hududida yirik yong‘in sodir bo‘ldi, deb xabar bermoqda Al-Arabiya telekanali. Yong‘in hayvonot bog‘idagi yog‘och budkada chiqqan, so‘ngra daraxtlarga o‘tgan.  

Yong‘in oqibatida hayvonlar jabrlanmagan, ularni evakuatsiya qilishga hojat bo‘lmagan. 

Hayvonot bog‘i 1891 yilda ochilgan bo‘lib, u mahalliy aholi va sayyohlarning sevimli maskanlaridan biri hisoblanadi. Hayvonot bog‘i an'anaviy ravishda Iyd al-Fitr bayramida odamlar bilan gavjum bo‘ladi.