Muxolifatchi va dzyudochi Mo‘g‘uliston prezidenti etib saylandi
Mo‘g‘ulistonda o‘tgan prezidentlik saylovlarining ikkinchi turida muxolifatdagi Demokratik partiya vakili Xaltmaagiyn Battulga g‘alaba qozondi. U o‘zining iqtidordagi Xalq partiyasi vakili bo‘lmish raqibidan deyarli 10 foiz ko‘proq ovoz to‘pladi.
Kecha Bosh saylov qo‘mitasi 99 foiz ovozlar sanoqdan o‘tkazilgach, prezidentlik saylovining ikkinchi turi natijalarini e'lon qildi. Unga ko‘ra demokrat Xaltmaagiyn Battulga 50,6 foiz ovoz olgan, uning raqibi — parlament spikeri va Xalq partiyasi a'zosi Miyeegombin Enxbold esa 41,2 foiz.
Xaltmaagiyn Battulga yoshligida dzyudo va sambo kurashi turlari bilan shug‘ullangan va Mo‘g‘uliston terma jamoasi a'zosi ham bo‘gan. U anchadan beri siyosat bilan shug‘ullanadi: parlament deputati etib saylangan, transport vaziri bo‘lgan, so‘ngra sanoat vaziri lavozimida ham ishlagan.
Bundan tashqari, saylangan prezidentning keng tarmoqli biznes-manfaatlari ham bor: ularning orasida mehmonxonalar, Chingizxonga bag‘ishlangan ko‘ngilochar bog‘ ham bor.
Mavzuga oid
09:40 / 07.09.2024
XJS prokurori: Mo‘g‘uliston Putinning tashrifi bo‘yicha tushuntirish berishi kerak
18:41 / 03.09.2024
Mo‘g‘uliston rasmiysi Putin hibsga olinmasligini izohladi
13:17 / 03.09.2024
Ukraina Putinni hibsga olmagani uchun Mo‘g‘ulistonga oqibatlar bilan tahdid qildi
11:16 / 03.09.2024