Afg‘onistonda eski mina yosh bolalarning umriga zomin bo‘ldi

Afg‘oniston shimoli-sharqida to‘rt nafar yosh bola eski minaning portlab ketishi tufayli halok bo‘ldi. Bolalar portlamay qolgan minani o‘ynashayotgan bo‘lgan, deb xabar bermoqda Tolo News telekanali politsiyaga asosan.

"Bolalar minani topib olishgan va u bilan o‘ynay boshlashgan. Unga tosh otishganida esa, u portlab ketdi va to‘rt bolaning hayotiga zomin bo‘ldi", - deyiladi huquqni muhofaza qilish idorasi xodimlari bayonotida.

Hodisa Bag‘lon viloyatining Burka uyezdida, jangarilar nazorati ostida bo‘lgan hududda chorshanba kuni yuz berdi, deya ta'kidlab o‘tishdi politsiyadagilar.