Neymarga «Barselona»dan ketishni maslahat qilishdi

«Barselona» hujumchisi Neymarning atrofidagi kishilar uni boshqa klublardan takliflarni ko‘rib chiqishni maslahat qilishdi. Bu haqda Sport nashri xabar tarqatgan.

Agentlar va qarindoshlar futbolchiga u katalonlar klubidan ketishi shartligi, u bu jamoada Lionel Messi soyasida qolib ketayotgani va argentinalik futbolchi tufayli shaxsiy mukofotlarga erisha olmayotgani haqida gapirishgan.

Neymarning xizmatlariga Yevropadagi qator klublardan takliflar mavjud bo‘lib, qarindoshlar u bu takliflardan birini qabul qilishi kerakligini aytishgan.

Neymarning «Barselona» bilan amaldagi shartnomasi 2021 yilning yoziga qadar tuzilgan.