«Arsenal» futbolchilari Xitoyda ovqatdan zaharlandi

«Arsenal»ning bir necha futbolchisi «Bavariya»ga qarshi Xalqaro chempionlar kubogi turniri doirasidagi uchrashuv oldidan zaharlanishgan.

«Bu o‘yinda jiddiy muammoga duch kelishimiz mumkin edi. O‘yinning birinchi bo‘limi og‘ir kechdi. Aaron Remsi o‘yin oxirigacha chidab berdi, ammo Teo Uolkott, Zead Kolashinats, Per Mertezaker va Olive Jiru o‘yinni davom ettira olmadi. Ular ovqatdan zaharlanishgani ma'lum bo‘ldi», — deya «Arsenal» bosh murabbiyi Arsen Venger so‘zlarini keltirgan Sky Sports.

«Bavariya»ga qarshi o‘yin Shanghayda bo‘lib o‘tdi va unda londonliklar klubi penaltilar seriyasida g‘alaba qozondi.