Yaponiyaning Akita prefekturasida rekord darajada yog‘ingarchilik ro‘y berdi

Yaponiyaning Akita prefekturasida yuz bergan rekord darajadagi yog‘ingarchilik salkam 500 uyni suv ostida qoldirdi. Tabiiy ofat oqibatlari namoyish etilgan lavhalarda shu haqda so‘z yuritilgan. NHK telekanali xabariga ko‘ra, suv toshqinlari oqibatida 10 minglab kishi boshqa joylarga ko‘chirilgan. 

Kiodo agentligiga ko‘ra, mamlakat shimolidagi hududning 17 tumanida 485 ta uy suv ostida qolgan. Suv toshqinlari va yog‘ingarchilik temir yo‘l qatnovi faoliyatida uzilishlarga olib kelgan. 

Meteorologiya xizmatining ma'lum qilishicha, bir kecha-kunduzda Akita aeroportiga 350 mm yog‘in yoqqan.