«PSJ» katta mablag‘ evaziga Mbappeni sotib olmoqchi

«PSJ» 180 mln yevro sarflab, «Monako»dan 18 yoshli fransiyalik hujumchi Kilian Mbappeni sotib olmoqchi.

Le Parisien ma'lumotiga ko‘ra, moliyaviy fair play qoidalari tufayli parijliklar bir qancha futbolchilari bilan xayrlashadi, bunday futbolchilar qatorida Anxel Di Mariya va Yulian Draksler nomlari bor.

Qayd etilishicha, agar Mbappening transferi bo‘yicha kelishuvga erishilmasa, «Liverpul» futbolchisi Filippe Koutinoga e'tibor qaratadi.

Mbappe o‘tgan mavsumda monegaskliklar safida barcha turnirlar doirasida 44 uchrashuv o‘tkazgan va 26 gol urgan.