Saakashvili: «Ukraina tashqi ishlar vazirida Rossiya fuqaroligi bor»

Ukrainaning Odessa viloyati sobiq gubernatori Mixail Saakashvilining ma'lum qilishicha, mamlakat tashqi ishlar vaziri Pavel Klimkinda Rossiya fuqaroligi bor.

U bu haqda Facebook’dagi sahifasida yozgan.

«Darvoqe, Pavel Klimkin etnik jihatdan ukrain emas, balki rusdir, Rossiyada tug‘ilgan, mening tushunishim bo‘yicha, u yerda fuqarolikka ega va ukrain tilida mendan ham yomonroq gapiradi. Pyotr Alekseyevich, mana sizga fuqarolikdan mahrum qilish uchun yana bir nomzod», - deya yozdi Saakashvili.

Avvalroq Gruziya prokuraturasi Saakashvili 11 yilga qamalishi mumkin ekani haqida ma'lum qilgandi.