Украинанинг Одесса вилояти собиқ губернатори Михаил Саакашвилининг маълум қилишича, мамлакат ташқи ишлар вазири Павел Климкинда Россия фуқаролиги бор.
У бу ҳақда Facebook’даги саҳифасида ёзган.
«Дарвоқе, Павел Климкин этник жиҳатдан украин эмас, балки русдир, Россияда туғилган, менинг тушунишим бўйича, у ерда фуқароликка эга ва украин тилида мендан ҳам ёмонроқ гапиради. Пётр Алексеевич, мана сизга фуқароликдан маҳрум қилиш учун яна бир номзод», - дея ёзди Саакашвили.
Аввалроқ Грузия прокуратураси Саакашвили 11 йилга қамалиши мумкин экани ҳақида маълум қилганди.