Turkiya Eron bilan chegarada devor qurishni boshladi

Turkiya Eron bilan chegarada devor qurishni boshladi, deb xabar bermoqda Turkiyaning Dogan agentligi.

Agentlikning ta'kidlashicha, devor eni 2 metr va balandligi 3 metr bo‘lgan ko‘plab beton bloklardan quriladi. Devorning shunday har bir qismi 7 tonna og‘irlikka ega bo‘ladi.

Turkiya hukumatining bildirishicha, devor chegara orqali kurd jangarilari va noqonuniy migrantlarning kirib kelishiga yo‘l qo‘ymaslik maqsadida qurilmoqda.