Ruhoniy: «Tehron yadro kelishuvidan chiqishi mumkin»

Eron prezidenti Hasan Ruhoniyning ma'lum qilishicha, Tehron yadro kelishuvidan chiqishi mumkin. Bu haqda Associated Press xabar bermoqda.

Eron prezidentining so‘zlariga ko‘ra, Tehron yadro kelishuvidan “sanoqli soatlarda” chiqishi mumkin. Bu, agarda Vashington Eronga nisbatan “tahdidlar va sanksiyalar” siyosatini davom ettirsa, ro‘y berishi istisno etilmadi.

Shuningdek, Ruhoniyning ta'kidlashicha, Eron bu sohadagi o‘z ko‘rsatkichlarini 2015 yilda imzolangan kelishuvdan avvalgi darajaga tezkorlik bilan tiklashi mumkin.

Avvalroq Fors ko‘rfazi osmonida AQSh va Eron samolyotlari xavfli masofada yaqinlashgani xabar berilgandi.