Assanj: Rossiya AQSh Demokratik partiyasi tizimlari buzilishiga aloqador emas

Turli maxfiy ma'lumotlarni fosh etishga va omma e'tiboriga havola etishga ixtisoslashgan WikiLeaks sayti asoschisi Julian Assanj Rossiyaning AQSh prezidentlik saylovi kampaniyasida Demokratik partiyasi serverlari buzilishiga aloqasi yo‘qligini ta'kidladi. U Kongressning respublikachi a'zosi Dana Rorabaxer bilan uchrashuvda shunday bayonot berdi, deb yozmoqda Hill gazetasi.

"Biz 3 soat uchrashuvimizda qator masalalarni muhokama qildik, jumladan o‘tgan yilgi prezidentlik saylovlari chog‘ida Demokratik partiya elektron maktublarining WikiLeaks saytiga berilishini ham", — deya Rorabaxer so‘zlarini yeltiradi nashr. "Julian qat'iy ravishda ruslarning ushbu maktublarni buzish yoki fosh etilishiga umuman aloqasi yo‘qligini aytdi", — degan siyosatchi. 

Kongressmenning qo‘shimcha qilishicha, u prezident Donald Tramp bilan uchrashuvda batafsilroq ma'lumotni taqdim qilishni rejalashtirmoqda. 

"Julian, shuningdek, Demokratik partiya elektron maktublari bilan bog‘liq vaziyatning jamoatchilikka ma'lum bo‘lmagan qismlari bo‘yicha hamkorlikka tayyorligini bildirdi", — deb qo‘shimcha qildi Rorabaxer.