Mirziyoyev Qozog‘iston mudofaa vaziri bilan harbiy hamkorlikni muhokama qildi
O‘zbekiston Respublikasi Prezidenti Shavkat Mirziyoyev bugun mamlakatga rasmiy tashrif bilan kelgan Qozog‘iston Respublikasi mudofaa vaziri Saken Jasuzakovni qabul qildi. Bu haqda Uzbekistan24.uz xabar bergan.
Davlat rahbari mehmonni samimiy qutlar ekan, mamlakatlar o‘rtasida turli darajadagi aloqalar va o‘zaro manfaatli hamkorlik faollashganini mamnuniyat bilan ta'kidladi.
Suhbat chog‘ida harbiy va harbiy-texnik hamkorlik istiqbollari ham muhokama etildi. O‘zbekiston va Qozog‘iston Mudofaa vazirliklari o‘rtasida amaliy hamkorlik o‘rnatish, jumladan, harbiy ta'lim sohasida qo‘shma dasturlarni amalga oshirish bu boradagi muhim yo‘nalishlardan biri sifatida belgilandi.
Qozog‘iston milliy mudofaa vaziri O‘zbekiston Respublikasi Prezidenti Shavkat Mirziyoyevga qabul uchun samimiy minnatdorlik bildirdi va Qozog‘iston Respublikasi Prezidenti Nursulton Nazarboyevning ezgu tilaklarini yetkazdi.
Saken Jasuzakov O‘zbekistonda Qurolli Kuchlar salohiyatini oshirish va mamlakat mudofaa qobiliyatini mustahkamlash borasida amalga oshirilayotgan islohotlarga yuksak baho berdi va Qozog‘iston tomoni davlatlarimiz o‘rtasida keng ko‘lamli hamkorlikni rivojlantirishga tayyor ekanini ta'kidladi.
Mavzuga oid
12:40 / 19.10.2024
Rossiya Qozog‘istondan bug‘doy, pomidor va qovun olib kirishni chekladi
20:54 / 18.10.2024
Qozog‘istonda xizmat mashinasida nonga chiqqan hokim o‘rinbosari javobgarlikka tortildi
21:02 / 17.10.2024
Rossiyani harbiy jihatdan yengib bo‘lmaydi - To‘qayev
19:09 / 17.10.2024