Barcha zamonlarning eng yaxshi qora tanli sportchilari ro‘yxati tuzildi

AQShning "SurveyMonkey" tahliliy maydonchasi "The Undefeated" resursi bilan birgalikda tarixdagi eng yaxshi qora tanli sportchilarning elliktaligini taqdim qildi.

Ma'lum qilinishicha, reytingning eng yuqori pog‘onasini "Chikago Buls" basketbol klubining afsonaviy o‘yinchisi Maykl Jordan egallagan. U 6 marta Milliy bastkebol uyushmasi chempioni va 2 marta Olimpiya chempioni bo‘lgan. 

2-o‘ringa esa beysbolchi Jyeki Robinson va 3-o‘ringa sobiq bokschi Muhammad Ali qo‘yilgan.

Bundan tashqari, birinchi o‘ntalikdan 4-o‘rinni beysbolchi Villi Meys, 5-o‘rinni yengil atletikachi Jyessi Ouens, 6-o‘rinni ayol tennischi Serena Uilyams, 7-o‘rinni beysbolchi Xenk Aaron, 8-o‘rinni gimnastikachi Simone Bayls, 9-o‘rinni beysbolchi Gabrielle Duglas va 10-o‘rinni amerikancha futbolchi Jyerri Rays egallagan.

Reytingga eng ko‘p sonda (11 kishi) basketbolchilar kiritilgan. So‘ngra beysbolchilar va futbolchilar kelmoqda. Yengil atletikachilar va bokschilar kamroq kiritilgan, jumladan 6 bokschi o‘rin olgan. Ta'kidlash joizki, ushbu reyting so‘rovnomalarga ko‘ra tuzilgan bo‘lib, ularda 10000 kishi ishtirok etgan.