Xitoy shimolida juda yirik gaz koni topildi

Xitoy shimolidagi Shansi viloyatida yirik gaz koni topildi. Uning zaxiralari 545,6 mlrd kubometr ekani taxmin qilinmoqda, deb xabar berdi Sinxua agentligi.

Shansi viloyati Xitoyda ko‘mir zaxiralari bo‘yicha ikkinchi o‘rinni egallaydi. 2006 yilda Yuyshe, Tszotsyuan va Useyan uyezdlari bilan chegaradosh tumanda yirik ko‘mir koni topildi. Keyinchalik geologiya qidiruv ishlari u yerda gazning ham katta zaxiralari borligini ko‘rsatdi.

Viloyatning yer va tabiiy resurslarni boshqarmasi rahbari o‘rinbosari Chjou Tszipenning so‘zlariga ko‘ra, 2015 yilda qidiruv ishlari boshlangach, mutaxassislar ko‘mir qatlamlarida 241,5 mlrd kubometr gaz, 304,1 mlrd kubometr slanetsli gaz zaxirasi bor ekanini aniqlashdi.