Lavrov Rossiyaning KXDR bo‘yicha pozitsiyasini ma'lum qildi

Rossiya tomoni KXDRdan BMT Xavfsizlik Kengashining barcha rezolyutsiyalariga amal qilishni talab etmoqda, deya ma'lum qildi RF tashqi ishlar vaziri Sergey Lavrov. TIV rahbari Shimoliy Koreya navbatdagi raketani uchirganidan so‘ng shunday bayonot bilan chiqdi. Bu haqda RIA «Novosti» xabar bermoqda.

«Biz BMT Xavfsizlik Kengashining barcha rezolyutsiyalarini hurmat qilamiz hamda shimoliy koreyalik qo‘shnilarimiz ularga to‘la hajmda rioya etishlarini talab qilamiz. Biz Xavfsizlik Kengashidagi munozaralar va o‘tkazilishi mo‘ljallangan yig‘ilishda ham shundan kelib chiqamiz», - dedi u.

Avvalroq KXDR raketa uchirganini yana uch davlat keskin qoralab chiqqani xabar berilgandi.