Oksleyd-Chemberlen «Arsenal»ning katta maoshini rad etib, «Liverpul»ni tanladi

«Arsenal» yarim himoyachisi Aleks Oksleyd-Chemberlen «Liverpul»ga o‘tishi oydinlashmoqda.

24 yoshli bu xavbek yangi klubi bilan 2022 yilgacha amalda bo‘ladigan yangi shartnoma imzolaydi.

Oksleyd-Chemberlen «Liverpul»da haftasiga 120 ming funt miqdorida maosh oladi.

Bundan avvalroq futbolchi «Arsenal» bilan shartnomani uzaytirishdan bosh tortgandi. London klubi unga haftasiga 180 ming funt miqdorida maosh to‘lash nazarda tutilgan shartnoma taklif etgandi.

«Liverpul» va «Arsenal» Oksleyd-Chemberlen transferi borasida kelishuvga erishib bo‘lgan, unga ko‘ra «Arsenal» futbolchi uchun 40 million funt ishlaydi.