Ostonada boshlang‘ich sinflar o‘quvchilariga bepul issiq ovqat taqdim qilinadi

Ostonada yangi o‘quv yilida 73 ming o‘quvchi bepul issiq ovqat bilan ta’minlanadi. Bu maqsadda mahalliy budjetdan 3,5 mlrd tanga ajratilgan. Bu haqda nur.kz xabar bermoqda.

“Poytaxtning 84 ta ta’lim muassasasida boshlang‘ich sinflarning barcha o‘quvchilari bepul ovqat bilan ta’minlanadilar. Bundan tashqari, 5-11-sinflarda ta’lim oladigan kam ta’minlangan oilalar farzandlari va yetim bolalar ham bepul ovqatlanadilar”, deb aytgan Ostona hokimiyati ta’lim boshqarmasi vakili Asem Usenova.

Uning aytishicha, Ostona maktablari oshxonalarida  26 nafar xususiy tadbirkor faoliyat yuritadi. Yangi o‘quv yiliga tayyorgarlik ko‘rish davomida barcha maktablar oshxonalari joriy va kapital ta’mirdan chiqarilgan.