Qozog‘iston Suriyaga harbiy jo‘natishga tayyor

BMT ruxsat bersa, Qozog‘iston Suriyaga tinchlikparvar yordam jo‘natishi mumkin. Bu haqda Qozog‘iston prezidenti Nursulton Nazarboyev ma'lum qilgan.

Bundan avvalroq Qozog‘iston TIV mamlakat Suriyaga harbiylarini yuborish bo‘yicha muzokaralar olib bormayotgani, mamlakatning bu boradagi pozitsiyasi o‘zgarmasligi haqida ma'lum qilgandi.

«Agar BMT harbiylarni jo‘natish qaroriga ruxsat bersa, biz tashkilot a'zosi sifatida u yerga o‘z harbiylarimizni yo‘llashimiz mumkin», — deya Nursulton Nazarboyevning so‘zlarini keltirgan Rossiyadagi nashrlar.

Qozog‘iston Konstitutsiyasiga ko‘ra, qaynoq jabhalarga qozoq askarlarini jo‘natish faqatgina parlament roziligi bilan ro‘y beradi. 

Eslatib o‘tamiz, 13 sentabr kuni Ostonada Suriya bo‘yicha muzokaralarning 6-bosqichi boshlandi.