Tramp BMT kutilgan natijalarni bermayotganini aytdi

BMT qog‘ozbozlik va noto‘g‘ri boshqaruv sababli o‘z salohiyatini to‘liq namoyon qilmagan. AQSh BMTning eng yirik donori sifatida kerakli natijalarni ko‘rmayapti va shu sababli tashkilotni isloh qilishni qo‘llab-quvvatlaydi. Bu haqda AQSh prezidenti Donald Tramp aytib o‘tdi.

Tramp bu haqda BMTni isloh qilish bo‘yicha o‘tkazilayotgan anjumanda aytgan.

“Biz sarmoyalarimizga yarasha natijalarni ko‘rmayapmiz. Bizga butun dunyo bo‘ylab odamlar ishonchini qaytara oladigan BMT kerak. BMT ishlamaydigan eski usullar asiri bo‘lishi kerakmas”, deb qo‘shimcha qilgan Tramp.