Birinchi marta bitkoinlar orqali ko‘chmas mulk xaridi amalga oshirildi

Endi Texasda mahsulotlar uchun to‘lovlarni internet-do‘konlarda amalga oshirish bilan bir qatorda, bitkoinlar uchun uy-joy sotib olish mumkin bo‘ladi. 

Dunyodagi ilk bitkoinlar orqali ko‘chmas mulk xaridi Texasda amalga oshirildi, deya xabar beradi CoinTelegraph. Manbada ta'kidlanishicha, kriptovalyuta evaziga mutlaqo yangi, yaqindagina qurib bitkazilgan uy sotib olingan. Jarayonda ishtirok etgan brokerning so‘zlariga ko‘ra, ko‘chmas mulk bozoridagi 33 yillik faoliyati davomida bu eng tez amalga oshirilgan bitim bo‘lgan.

Bitkoinlarda pul o‘tkazmasi amalga oshirilgandan keyin kriptovalyuta AQSh dollariga o‘tkazildi va bankdagi hisob raqamiga yo‘llandi.