Erdo‘g‘an G‘arbni terrorchilarni qo‘llab-quvvatlashda aybladi

G‘arb davlatlari IShID va "Al-Qoida" terrorchilik guruhlari, Turkiyada taqiqlangan Kurdiston ishchi partiyasi va turk muxolifatchisi Fathulla Gulenning tashiloti FeTOga ko‘mak ko‘rsatadi, deb aytdi Turkiya prezidenti Rajab Toyyib Erdo‘g‘an.  

"IShID, "Al-Qoida", KIP – barcha bu tashkilotlar ortida G‘arbning soyasini ko‘rasiz. Ularning barchasi G‘arbda boshpana topgan. Qani FeTO? U ham G‘arbda. Ular juda jiddiy moddiy ko‘mak olishadi", deb aytdi Erdo‘g‘an. U bu haqda Afyon shahrida Turkiyaning Adolat va taraqqiyot partiyasi faollari oldidagi nutqida aytib o‘tdi.