Buyuk Britaniya Kataloniya mustaqilligini tan olmaydi
Buyuk Britaniya Kataloniya parlamentining mustaqillik haqidagi deklaratsiyasini tan olmaydi. Bu haqda Sky News telekanali mamlakat bosh vaziri Tereza Meyning rasmiy bayonotiga asoslangan holda xabar tarqatdi.
«Buyuk Britaniya Kataloniya parlamentining mustaqillik haqidagi bir tomonlama deklaratsiyasini tan olmadi va bundan keyin ham tan olmaydi. Bu deklaratsiya Ispaniya sudi noqonuniy deb topgan referendumga asoslangandir», deyilgan bosh vazirning bayonotida.
Bugun, 27 oktabr kuni Kataloniya parlamenti mintaqa Ispaniyadan mustaqil bo‘lganini rasman tasdiqlaydigan rezolyutsiyani imzoladi. Bir soat vaqt o‘tib Ispaniya Senati Konstitutsiyaning 155-moddasini qo‘llashni ma'qulladi. Bu moddada muxtor hudud mamlakatdagi tartibga daxl qilgan paytda muxtoriyat huquqi to‘xtatilishi belgilangan. Shu tariqa, senat Kataloniya muxtoriyati rahbariyatini hokimiyatdan chetlashtirib, mintaqada Madridning bevosita boshqaruvini joriy etish haqidagi rezolyutsiyani qabul qildi.
Bundan avvalroq AQSh, Germaniya va Ukraina hukumatlari Kataloniyaning bir tomonlama mustaqillik e'lon qilishini Ispaniyaning suverenitetiga va hududiy yaxlitligiga zid deb e'lon qilishgandi.
Mavzuga oid
21:52 / 17.09.2024
Buyuk Britaniya noqonuniy migratsiyaga qarshi kurashga 75 mln funt ajratadi
20:09 / 14.09.2024
Britaniyada ayol farzandini «ikki marta tug‘di»
16:34 / 13.09.2024
Britaniya IIV rahbari mamlakatdagi “o‘g‘rilik epidemiyasi” haqida nutq so‘zlayotganda uning hamyonini o‘g‘irlab ketishdi
22:17 / 10.09.2024