Husiylar yetakchisi haqidagi axborot uchun 30 million dollar va'da qilindi

Saudiya Arabistoni hukumati “Ansor Alloh” harakati jangarilari (husiylar)ning yetakchisi Abdulmalik al-Husiyni qo‘lga olishga olib keladigan axborot uchun 30 mln dollar mukofot puli va'da qildi. Bu haqda Saudiya Arabistonining SPA axborot agentligi xabar qildi.

Xabarga ko‘ra, qirollik hukumati qidirilayotgan isyonchi-husiylar ro‘yxatiga 40 kishini kiritgan. Ular haqidagi axborot uchun 5 mln dollardan 30 mln dollargacha mukofot va'da qilingan.