«Monako» va «Borussiya» YeChLni tark etadi

Chempionlar ligasining 5-turidagi seshanba kungi uchrashuvlar yakunlariga ko‘ra, turnirda doimiy ravishda pley-off bosqichlarida o‘ynab kelgan Germaniyaning «Borussiya» va o‘tgan mavsumda yarim finalda qatnashgan Fransiyaning «Monako» klubi guruh bosqichidayoq turnirni tark etadigan bo‘ldi.

Nemislar jamoasi o‘z uyida «Tottenhem»ga mag‘lub bo‘ldi (1:2).

Dortmundliklar endi Yevropa Ligasida o‘z omadini sinab ko‘rishi mumkin bo‘ladi.

Oxirgi turni jamoa keyingi bosqichga ikkinchi o‘rin bilan chiqqan «Real»ga qarshi o‘tkazadi.

«Monako» esa «Leyptsig»ga o‘z maydonida 1:4 hisobida mag‘lub bo‘ldi va 2 ochko bilan oxirgi o‘rinda qoldi. Bu guruhda «Beshiktosh» 11 ochko bilan birinchi o‘rinda, ikkinchi va uchinchi o‘rinlarda «Portu» (7) hamda «Leyptsig» (4) joylashgan.