Yangiyo‘lda 6500 dollar sotayotgan “dollarchi” qo‘lga tushdi

Toshkent viloyatining Yangiyo‘l tumanida istiqomat qiluvchi fuqaro har bir AQSh dollarini 8150 so‘mdan hisoblab sotgan vaqtida qo‘lga olindi, deb xabar qilmoqda IIV matbuot xizmati. 

O‘zbekiston Respublikasi IIV Jinoyat qidiruv bosh boshqarmasi ma'lumotiga ko‘ra, o‘tkazilgan tezkor tadbir davomida Yangiyul tumani A.Ortiqov QFY Oybek ko‘chasida yashovchi 1967 yilda tug‘ilgan, muqaddam sudlangan R.T. noqonuniy ravishda tanishi B.A.ga 6.500 AQSh dollarini 52.975.000 so‘mga sotgan vaqtida daliliy ashyolar bilan ushlandi.

R.T. boshqaruvida bo‘lgan “Lasetti” avtomashinasi ko‘zdan kechirilganida 3.815.000 so‘m miqdorida pullar borligi aniqlanib, daliliy ashyo sifatida rasmiylashtirildi.

Holat yuzasidan tezkor surishtiruv ishlari olib borilmoqda.