IIBB mast haydovchilar fotosuratini e'lon qilishni boshladi

Toshkent shahar IIBB rasmiy saytida endilikda mast holatda transport vositasini boshqargani uchun ushlangan haydovchilar fotosuratlari e'lon qilinmoqda.

Qoidabuzarlarning to‘liq ro‘yxati hamda ularning fotosuratini ushbu havola orqali o‘tib, ko‘rishingiz mumkin.

Toshkent shahar IIBB YHXB xodimlari tomonidan yo‘l-transport hodisalarining oldini olish hamda yo‘l harakati qoidabuzarliklariga yo‘l qo‘yilganlik holatlarini aniqlash borasida reydlar o‘tkazilmoqda.

2017 yilning 17 dekabr kuni o‘tkazilgan tadbir jarayonida yo‘l harakati ishtirokchilari tomonidan jami 3982 ta qoidabuzarlik aniqlandi. Jumladan, 27 kishi mast holatda transport vositasini boshqargan, deb xabar bermoqda IIBB.