O‘zbekiston bosh vaziri o‘rinbosari Belarusga yo‘l oldi

2017 yilning 19-21 dekabr kunlari O‘zbekiston Respublikasi bosh vazirining o‘rinbosari Nodir Otajonov boshchiligidagi delegatsiya Belarus Respublikasiga tashrif buyuradi. Bu haqda Tashqi ishlar vazirligi axborot xizmati xabar berdi.

Mamlakat delegatsiyasi O‘zbekiston Respublikasi va Belarus Respublikasi o‘rtasida Ikki tomonlama hamkorlik bo‘yicha hukumatlararo komissiyaning (HAK) beshinchi majlisida ishtirok etadi.

HAKning Minsk shahridagi majlisi doirasida savdo-iqtisodiy aloqalar, sanoat kooperatsiyasi, qishloq xo‘jaligi, transport, sog‘liqni saqlash, sayyohlik va boshqa sohalarda hamkorlikni kengaytirish choralari muhokama qilinadi va kelishib olinadi.