Qoʻshimcha funksionallar
-
Tungi ko‘rinish
Belarusda Nexta Telegram-kanali mualliflari terrorchilar ro‘yxatiga kiritildi
Belarus rasmiy idoralari mamlakatdagi norozilik namoyishlarini yoritayotgan Nexta Telegram-kanali muallifi Stepan Putilo va sobiq bosh muharriri Roman Protasevichni terrorchilar ro‘yxatiga kiritdi. Ularning ismlari Belarus Davlat xavfsizlik qo‘mitasi saytining “Aksilterrorchilik faoliyati” bo‘limida paydo bo‘lgan.
Foto: babel.ua
Ta'kidlanishicha, KGB ro‘yxatiga kiritilgan 726 kishidan faqat Putilo va Protasevich Belarus fuqarolari hisoblanadi. Ro‘yxatda qayd qilingan qolgan kishilar Suriya, Iroq, Afg‘oniston fuqarolaridir.
Nexta mualliflari Belarus Jinoyat kodeksining “Ommaviy tartibsizliklar” moddasi bo‘yicha ayblanmoqda.
Avvalroq Putilo va Protasevich xalqaro kidiruvga berilgandi. Ta'kidlanishicha, hozirda ular Polshada qolmoqdalar. Belarus hukumati qo‘shni davlatni ularni topshirishga chaqirmoqda.
Belarus tergov qo‘mitasi Nexta mualliflariga nisbatan jinoiy ish qo‘zg‘atgan. Ular ommaviy tartibsizliklarni uyushtirish hamda hokimiyat va huquq-tartibot vakillariga nisbatan “ijtimoiy adovat qo‘zg‘atishga” qaratilgan xatti-harakatlarni amalga oshirishda ayblanmoqda.
Nexta Telegram-kanali Belarusda prezident saylovlaridan keyin boshlangan ommaviy noroziliklarni faol yoritib keladi. Minsk sudi internet-nashr materiallarini ekstremistik deb topgan.
Mavzuga oid
22:50 / 06.09.2024
Polsha Protasevichni qo‘lga olish uchun samolyotni Minskka yo‘naltirgan belaruslik uch amaldorga ayblov e’lon qildi
15:42 / 22.05.2023
Nexta Telegram-kanali sobiq bosh muharriri Roman Protasevich afv etildi
14:47 / 03.05.2023
Nexta sobiq bosh muharriri Protasevich 8 yilga qamaldi
10:15 / 22.04.2023