Buyuk Britaniya va Polsha Rossiyaga qarshi bir qarorga keldi

Buyuk Britaniya va Polsha «Rossiya axborot amaliyotlariga» qarshi kurashish bo‘yicha qo‘shma loyihani amalga oshirish to‘g‘risida kelishib oldi, deb xabar bermoqda RIA «Novosti».

Britaniya hukumati kantselyariyasidan xabar qilishlaricha, bosh vazir Tereza Mey payshanba kuni bu haqda e'lon qiladi.

«Loyiha Rossiya axborot amaliyotlarini aniqlash va ularga qarshi kurashish bo‘yicha bizning imkoniyatlarimizni mustahkamlash, shuningdek Polsha tomonidan moliyalashtirilayotgan Belsat telekanalini qo‘llab-quvvatlashga yo‘naltirilgan. U Belarus aholisiga xolis va haqqoniy reportajlarni taqdim etadi», - deya aytib o‘tdi kantselyariya vakili.

Mey 21 dekabr kuni Varshavaga yo‘l olib, u yerda har yilgi ikki tomonlama sammitda ishtirok etadi.