Suriyadagi qochqinlar lagerida IShID jangarilari topildi

Mag‘lubiyatga uchratilgan IShID terrorchilik guruhi jangarilari Suriya-Iordaniya chegarasida joylashgan Ar-Rukban qochqinlar lagerida yashirinmoqda. Bu haqda jurnalistlarga Xoms viloyatining chegaraoldi tumanlarida tinch jarayonni muvofiqlashtirish va xavfsizlikni ta'minlash bo‘yicha koordinator Xaj Adal aytib o‘tdi.

"Lagerda bo‘lib turgan mening odamlarim ma'lumotiga ko‘ra, u yerda o‘zini “Yangi Suriya Armiya”si deb atayotgan jangarilar guruhi bor. Ularning soni unchalik katta emas. Guruh IShIDdan qochgan va Ar-Rukbanga qochganlar, bu guruhga majburiy tarzda sodiqlik keltirgan qochqinlardan iborat. Shuningdek Ar-Rukbanda xorijlik yollanma shaxslar ham payqalgan", - deya ma'lum qildi u.

Ar-Rukban qochqinlar lageri Amerikaning At-Tanfa harbiy bazasi yaqinidagi xavfsiz hududda joylashgan.

Ar-Rukbandagi qochqinlar juda og‘ir ahvolda qolishgan: Iordaniya chegarasi ular uchun yopiq va u yerdan yordam kelmayapti. Shu bilan birga, muxolif guruhlar jangarilari xavfsizlik hududini to‘sib qo‘yishmoqda va BMT gumanitar konvoylarini qo‘yishmayapti.

BMT ma'lumotlariga ko‘ra, lagerda hozirgi kunda taxminan 50 ming qochqin bor.