Eronda politsiya namoyishchilarni o‘qqa tutishga o‘tdi, 2 kishi halok bo‘ldi

Eronda hukumatga qarshi norozilik aksiyalariga nisbatan kuch ishlatilishi boshlandi. Associated Press agentligi mahalliy nashrlarga asoslangan holda xabar berishicha, namoyishchilardan ikki nafari o‘q tegishidan halok bo‘lgan.

Mahalliy amaldorlardan biri aniqlik kiritishicha, Luriston viloyatidagi Dorud shahrida ikki kishi politsiya o‘qidan halok bo‘ldi.

#IranProtest
The clashes between the brave Iranian youth and the security
forces#Tehran #Iran #FreeIran pic.twitter.com/A9ulGwuSqs
— ALI (@AliSalari1965) December 30, 2017

Internetda yerda ikki yosh yigit qonga belanib yotgani tasvirlangan video tarqaldi. Namoyishchilardan biri kameraga qarab shunday deydi: «Ukamni o‘ldirganlarni o‘ldiraman!».

Doruddagi namoyishchilar «Diktatorga o‘lim!» deya hayqirishmoqda. Bu orqali ular bir necha marta qo‘shni davlatlar rahbariyati tomonidan «Yaqin Sharq Hitleri» deb atalgan oyatulloh Ali Xomaneiyni nazarda tutishmoqda.

Continuous violent clashes in Kermanshah between protesters and the Iranian anti-riots forces. #IranianProtests #Iran #TwitterKurds pic.twitter.com/NL3bTmcxRH
— KurdistanHumanRights (@KurdistanHRN) December 30, 2017

Tayyorlagan Азиз Қаршиев

#namoyish #Eron

2017 yil 29 dekabr kuni Eronning turli shaharlarida inflatsiya, rahbariyat va katta xarajatlar talab qilayotgan tashqi siyosatga qarshi namoyishlar to‘lqini boshlandi.