Turkish Airlines o‘nlab yangi laynerlarni xarid qiladi

Turkiyaning milliy aviatashuvchisi - Turkish Airlines (THY) kompaniyasi o‘nlab A350 laynerlarini xarid qilishni rejalashtirmoqda.

THY va Airbus korporatsiyasi o‘rtasidagi memorandum Turkiya prezidenti Rajab Toyyib Erdo‘g‘anning Parijga tashrifi doirasida imzolandi.

Turkiyaning eng yirik aviakompaniyasi Yevropa aerofazoviy sanoat korporatsiyasidan A350-900 turidagi 20+5 yo‘lovchi samolyotini xarid qilishni mo‘ljallamoqda.

THY direktorlar kengashi rahbari Ilker Ayjining so‘zlariga ko‘ra, yangi yo‘lovchi samolyotlari Turkish Airlines’ning jahon aviatashuvchilar bozoridagi pozitsiyalarini mustahkamlashga hissa qo‘shadi.