Peruda kuchli zilzila. Tsunami xavfi paydo bo‘ldi

Peruning Tinch okeani yuvib turuvchi qirg‘oqlari hududida kuchli zilzila ro‘y berdi. AQSh Geologiya xizmati (USGS) ma'lumotiga ko‘ra 7,3 magnitudali yer silkinishi kuzatilgan.

Qayd etilishicha, dastlabki yer silkinishi tun mahali qayd etilgan. Uning episentri Akari shaharchasidan 31 kilometr janubi-g‘arbda, Yauka shaharchasidan 19 kilometr masofada joylashgan. Zilzila o‘chog‘i 10 kilometr chuqurlikda.

Ayni vaqtda tabiiy ofat talofatlari haqida aniq ma'lumotlar yo‘q. Hududda sunami tahdidi paydo bo‘lgan. Tsunami vaqtida quruqlikdagi suv balandligi 1 metrgacha ko‘tarilishi mumkin.