Nukusda fuqaro o‘zini tomdan tashlab o‘ldirmoqchi bo‘ldi

3 fevral kuni soat 07:30da Nukus shahri Telemarkaz MFY, Temiryo‘l ko‘chasi raqamsiz uyda yashovchi, ruhiy kasal, 1997 yili tug‘ilgan fuqaro B.N Nukus shahri «Jyeke terek» MFYda joylashgan «Qoraqalpoq qurilish» MChJ (JBI)ning balandligi 15-20 metrga teng bo‘lgan beton ishlash sexi tomiga chiqib o‘zining joniga qasd qilishga harakat qilgan. Bu haqda Kruz.uz xabar berdi.

Voqea joyiga Nukus shahri 1-sonli harbiylashtirilgan yong‘in xavfsizligi qismi smena boshlig‘i katta leytenant R.Seytirzayev va yong‘in o‘chiruvchi safdor A.Satbayev yetib kelgan. Ular beton ishlab chiqarish sexi binosining tomiga chiqib, fuqaro B.N bilan suhbatlashib o‘z joniga qasd qilish niyatidan qaytarib, pastga tushishga yordam berdi.