Xitoyning Suriyaga oid rejalari ma'lum qilindi

Xitoyning Suriyadagi elchisi Tsi Tsyantszinning ma'lum qilishicha, Pekin Suriya Arab Respublikasining urushdan keyingi rivojlanishi va tiklanishida yanada faol o‘rin tutmoqchi. Bu haqda «Sinxua» xabar berdi.

«Mening fikrimcha, Suriya rivoji va tiklanishiga barcha sa'y-harakatlarni yo‘naltirish vaqti keldi. Mening o‘ylashimcha, Xitoy bu jarayonda katta o‘rin tutadi, Suriya xalqi va qonuniy hukumatiga ko‘proq yordam taqdim etadi», - deya aytib o‘tdi u.

Elchi Damashqdagi Al-Muvasat shifoxonasiga tashrifi chog‘ida shunday bayonot bilan chiqdi. Ta'kidlanishicha, Xitoy bundan avval Suriyadagi sog‘liqni saqlash tizimi rivojiga yo‘naltirilgan ko‘plab xayriya ishlarini amalga oshirdi.