Хитойнинг Сурияга оид режалари маълум қилинди

Хитойнинг Суриядаги элчиси Ци Цяньцзиннинг маълум қилишича, Пекин Сурия Араб Республикасининг урушдан кейинги ривожланиши ва тикланишида янада фаол ўрин тутмоқчи. Бу ҳақда «Синьхуа» хабар берди.

«Менинг фикримча, Сурия ривожи ва тикланишига барча саъй-ҳаракатларни йўналтириш вақти келди. Менинг ўйлашимча, Хитой бу жараёнда катта ўрин тутади, Сурия халқи ва қонуний ҳукуматига кўпроқ ёрдам тақдим этади», - дея айтиб ўтди у.

Элчи Дамашқдаги Ал-Мувасат шифохонасига ташрифи чоғида шундай баёнот билан чиқди. Таъкидланишича, Хитой бундан аввал Суриядаги соғлиқни сақлаш тизими ривожига йўналтирилган кўплаб хайрия ишларини амалга оширди.