Samsung’ning yangi 49 dyuymli monitorida saytlar va dasturlar sinab ko‘rildi

Business Insider nashri jurnalistlari Samsung’ning diagonali 49 dyuym bo‘lgan yangi CHG90 monitorida mashhur saytlar va dasturlar qanday ko‘rinishini tekshirib ko‘rishga qaror qilishdi. Ushbu monitor 1300 dollar turadi.

Monitorning tomonlari nisbati 32:9. Taqqoslash uchun, standart kompyuter monitorlari tomonlari 16:9, o‘ta enlilariniki esa 21:9 nisbatga ega.

Nashrning ma'lum qilishicha, bunday ekranda ko‘pchilik saytlar va dasturlar kontentni displey o‘rtasida aks ettirgan va yon tomonlardan bo‘sh joylar qolgan. Ba'zi sahifalar matn yoki suratni ekranning chap qismida ko‘rsatgan. Biroq bir nechta saytlar va servislar ekranning butun enidan to‘liq foydalangan va ularda aks ettirilgan ma'lumot hajmi hayratlanarli ko‘rinishda bo‘lgan.

Quyida bunga misollar keltirilgan.