Chempionlar Ligasida haftaning eng yaxshi futbolchisi ma'lum bo‘ldi

UYeFA saytida Chempionlar Ligasi nimchorakfinalining joriy haftada o‘tkazilgan bahslarining eng yaxshi futbolchisini aniqlash bo‘yicha o‘tkazilgan so‘rovnoma yakunlandi.

Uning natijalariga ko‘ra, «Manchester Yunayted» posboni David De Xea 48%  ovoz to‘plab, birinchi o‘rinni egalladi. Darvozabon «Sevilya»ga (0:0) qarshi o‘yinda 8ta seyvni amalga oshirgandi.

Keyingi o‘rinlar quyidagicha taqsimlandi - «Chelsi» yarimhimoyachisi  Villian (28%), «Bavariya» hujumchisi Tomas Myuller (17%) va «Shaxtyor» yarimhimoyachisi Fred (7%).