Foto: Xitoyda 8 mingta mashina tirbandlikda turib qoldi

Xitoyning Xaynan provinsiyasidagi Xaykou shahrida qalin tuman tufayli ko‘prikka kirishda 8 ming mashina tiqilinchda qolib ketdi.

«Sinxua» xabarida aniqlik kiritilishicha, o‘n minglab kishilar bir necha kundan buyon Guandun provinsiyasining materikdagi qismiga Xaynan bo‘g‘ozi orqali o‘ta olishmayapti, bu hududdagi 3ta port ham noqulay ob-havo tufayli yopib qo‘yilgan.

Mahalliy hukumat ma'lumotiga ko‘ra, 15-21 fevral kunlarida xitoyliklarning yangi yil bayrami munosabati bilan orolga 400 mingdan ortiq sayyoh 90 mingdan ortiq avtomobilda tashrif buyurgani vaziyatni yanada og‘irlashtirgan.

Xaynan oroli xitoyliklar o‘rtasida ta'tilni o‘tkazish uchun eng mashhur go‘shalardan biri hisoblanadi.