Xitoyning bosh aksilkorruptsion boshqarmasi yangi tekshiruvlar raundini boshladi. Boshqarma 30 ta viloyatga 15 ta ishchi guruh jo‘natgan. Bu haqda Xitoy kompartiyasining intizomni teshirish bo‘yicha markaziy komissiyasi xabarida aytilgan.
Tekshiruvlar viloyatlardan tashqari bir qator vazirliklar va korxonalarda, jumladan tijorat, madaniyat vazirliklari, bosh bojxona boshqarmasi, davlat statistika boshqarmasi, “Sinxua” axborot agentligi va boshqa davlat kompaniyalarida o‘tkaziladi. Inspektorlar joylarda may oyi oxirigacha bo‘lishadi va yuqori lavozimdagi amaldorlar yo‘l qo‘ygan intizomiy qoidabuzarliklar haqida ma'lumot to‘plashadi.
Korrupsiyaga qarshi katta ko‘lamli kurash Si Tszinpin Xitoy raisi lavozimini egallagandan keyin boshlangan. Oxirgi rasmiy ma'lumotlarga ko‘ra, oxirgi 5 yil ichida bunday qoidabuzarliklar uchun kompartiyaning turli darajadagi 1,52 mln a'zosi jazolangan.
