Useyn Bolt futbol klubi bilan shartnoma imzolaganini ma'lum qildi 

Sprinterlik yugurish bo‘yicha 8 karra Olimpiya chempioni, yamaykalik Useyn Bolt futbol klubi bilan shartnoma imzoladi. Bu haqda uning o‘zi Twitter’da ma'lum qildi. 

“Men futbol klubi bilan shartnoma imzoladim. Qaysi klub bilan ekanligini esa 27 fevralda bilib olasiz”, deb yozgan 31 yoshli Bolt.

Bolt 2017 yil avgustda Londonda o‘tgan jahon chempionatidan keyin faoliyatini yakunlagan. U 100 va 200 metrga yugurishda qatorasiga uchta Olimpiadada (Pekin, London, Rio-de-Janeyro) oltin medalni qo‘lga kirita olgan yagona sportchi hisoblanadi. Shuningdek, unga 100 va 200 metrga yugurish bo‘yicha amaldagi jahon rekordlari tegishli. 

Yanvar oxirida Bolt JARning “Mamelodi Sandaunz” futbol klubi mashg‘ulotlarida ishtirok etayotgani ma'lum qilingandi. U “Manchester Yunayted” va “Barselona”ga qarshi o‘rtoqlik uchrashuvlarida o‘ynashni rejalashtirgandi, biroq jarohati tufayli o‘z rejalarini o‘zgartirishiga to‘g‘ri kelgan.