Toshkentda fuqaro xitoylik hamkorini qariyb 500 ming dollarga chuv tushirdi

Toshkent shahrining Mirzo Ulug‘bek tumanida ko‘ngilsiz voqea yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
   
Qayd etilishicha, Mirzo Ulug‘bek tumanida  2014 yil   25 yanvar kunidan 2015 yil 13 yanvar kuniga qadar bo‘lgan  vaqt oralig‘ida Xitoy Xalq Respublikasi fuqarosi S.D. Musamuhammedov ko‘chasida yashovchi, “Kamol-Fraht” MChJ direktori, 1984 yilda tug‘ilgan K.N.ga Urumchi shahridan “Kamol-Fraht” MChJ nomiga jami 449.335 AQSh dollari miqdoridagi biologik faol qo‘shimchalar va tibbiy texnikalarni yuborganligi, K.N. esa ushbu qo‘shimchalar va texnikalarni sotib yuborib, pullarni o‘z ehtiyoji yo‘lida ishlatib yuborganligi ma'lum bo‘lgan.

Mazkur holat yuzasidan tergov ishlari olib borilmoqda.