Boj mojarosi. Xitoy AQShga chaqiriq bilan chiqdi
Xitoy Tijorat vazirligining savdo himoyasi va surishtiruvlar departamenti direktori Van Xetszyun po‘lat hamda alyuminiyga import boji joriy etishdan voz kechishga chaqirdi, shuningdek, mamlakat huquqlari va manfaatlarini himoya qilish uchun ehtimoliy choralar haqida ogohlantirdi. Bu haqda RIA «Novosti» iqtisodiy idoraga asosan xabar bermoqda.
«Xitoy AQShni ko‘p tomonlama savdo tizimiga hurmat bilan qarash va tegishli chora-tadbirlarni tezroq bekor qilishga qat'iy chaqiradi», - deya ma'lum qildi Xetszyun.
Amaldorning fikricha, Xitoy bojlardan tashvishda ekanini turli darajadagi aloqalar orqali bildirgan. Uning ta'kidlashicha, Pekin bojlardan keladigan zararni hisoblab chiqdi va shu hisob-kitob asosida «kuchli choralarni» ko‘radi.
«Biz AQShning bu choralari YeI, Braziliya, Janubiy Koreya, Avstraliya, Turkiya, Rossiya va Jahon savdo tashkilotining boshqa ko‘plab a'zolari jiddiy noroziligiga sabab bo‘lganini ta'kidlab o‘tdik. Ular Amerika tomoniga nisbatan tegishli aksilchoralarni ko‘rishga qaror qilgan», - deya ta'kidlab o‘tdi Xetszyun.
Mavzuga oid
10:09
AQShning Polshadagi yangi RQM bazasi Rossiya raketalarini urib tushira oladi
13:07 / 13.10.2024
«Chekmaydi va onda-sonda ozgina ichadi». Kamala Harris o‘z tibbiy kartasini e’lon qildi
16:29 / 12.10.2024
AQShda radioaktiv yo‘l qurilishiga ruxsat berildi
20:53 / 11.10.2024