Mobil operatorlarning daromad solig‘i stavkasi oshirildi

Endilikda rentabellik darajasi 20 foizgacha bo‘lganda mobil operatorlar uchun daromad solig‘i stavkasi 14 foizni tashkil etadi (avval – 7,5 foiz). Bu haqda Spot yozmoqda.

«Mobil aloqa xizmatlarini ko‘rsatuvchi tashkilotlar yuridik shaxslar daromadiga soliq stavkasi qo‘llash qoidalari»ga o‘zgarishlar Moliya vazirligi va Davlat soliq qo‘mitasining tegishli qarori bilan kiritildi. Hujjat 7 mart kuni e'lon qilingan.

Eslatib o‘tamiz, avvalroq 2017 yilda mobil aloqa abonentlari soni 1,4 millionga ko‘payib, 22,8 million kishini tashkil etgani xabar berilgandi.