Rossiyada «Kinjal» gipertovushli raketa sinovdan o‘tkazildi

Rossiya havo-kosmik kuchlarining MiG-31 qiruvchisi “Kinjal” yuqori aniqlikdagi aviatsiya raketa kompleksi gipertovushli raketasini sinov tarzida uchirdi. Samolyot Janubiy harbiy okrugdagi aerodromdan uchgan, deb xabar berdi RF Mudofaa vazirligi «VKontakte»da. Mahkama videoni ham joylashtirgan.

Ta'kidlanishicha, sinov muvaffaqiyatli o‘tdi – raketa poligondagi belgilangan obektni aniq nishonga olgan. Sinov davomida «Kinjal»ning taktik-texnik jihatlari va vaqt ko‘rsatkichlari tasdiqlandi.

Rossiya prezidenti Vladimir Putin yangi gipertovushli raketalar armiyaga topshirilgani haqida 1 mart kuni, Federal yig‘ilishga murojaati vaqtida xabar berdi. Uning ta'kidlashicha, komplekslar dunyodagi bironta ham shunday majmuaga o‘xshamaydi.

Modernizatsiya qilingan tutib oluvchi qiruvchilar jihozlanadigan gipertovushli "Kinjal" tizimi raketalari ehtimoliy dushmanning aviatashuvchilari, esminetslari va kreyserlariga zarba berishi mumkin.