Avstraliyada qadimiy megaakulaning tishi o‘g‘irlab ketildi

Avstraliyada noma'lum shaxslar qadimiy megaakulaning 8 santimetrlik tishini o‘marib ketishdi. BBC xabariga ko‘ra, tish qoyadagi «yarim maxfiy joyda» bo‘lgan.

U «tabiiy to‘siqlar» tufayli ko‘rinmagan hamda tish qayerda ekanini olimlardan tashqari, mahalliy aholining faqatgina kichik bir guruhi bilgan.

Toshday qotib qolgan tish bolg‘a va iskana yordamida chiqarib olingan.

Ekspertlarning so‘zlariga ko‘ra, ushbu tish yaxshi saqlanib qolgan, biroq uni hali har tomonlama o‘rganib chiqish lozim edi.

Ta'kidlanishicha, tishning aniq qiymatini aytish mushkul, biroq, mutaxassislarning so‘zlariga ko‘ra, u «juda baland emas».