Aleksandr Geynrix futbolchilik faoliyatini yakunladi

O‘zbekiston terma jamoasi sobiq hujumchisi Aleksandr Geynrix futbolchilik faoliyatini yakunladi. Bu haqda KazFootball nashri xabar tarqatdi.

Manba bergan xabarga ko‘ra, Geynrix Qozog‘istonning «Aqto‘be» jamoasida seleksioner murabbiy lavozimida ish boshlagan.

Toshkentning «Paxtakor» jamoasi sobiq futbolchisi professional faoliyatini 2001 yili «Do‘stlik» jamoasida boshlagan. U «Paxtakor», «Lokomotiv», TsSKA va «Torpedo», «Suvon Blyuings», BAAning «Emireyts» Qozog‘istonning «Aqto‘be» va «O‘rdabas» jamoalarida faoliyat olib borgan.

Geynrix Qozog‘iston Premer-ligasida 110 uchrashuvda maydonga tushgan va raqiblar darvozasini 28 bor ishg‘ol qilgan. O‘zbekiston milliy terma jamoasida 98 uchrashuvda maydonga tushib 31golga mualliflik qilgandi.